VIZAUN JERÁL BA PROGRAMA PRODUSAUN AGRÍKOLA
Programa estudu Produsaun Agríkola iha Ensinu Sekundáriu Tékniku Vokasionál Mauhunu Bukar Manatuto hanorin estudante sira oinsá atu prosesa produtu agríkola sira ba produtu sira ho kualidade aas, no iha valór ekonómiku. Agronegósiu ne’e rasik kombina siénsia sosiál no siénsia teknolojia tanba la’ós estuda de’it kona-ba produtu agríkola maibé mós kona-ba kbiit fa’an husi produtu agríkola sira ne’e.
Estudante sira mós hetan matéria barak kona-ba empreendedorizmu no prosesamentu prátika produtu agríkola. Abilidade ne’ebé graduadu sira iha mak hanesan aplikasaun prosedimentu serbisu (Good Manufacturing Procedure) no prosesamentu produtu agríkola uza téknika oioin hanesan fermentasaun, temperatura aas, temperatura ki’ik, téknika manas indireta no seluk tan. Liután, estudante sira sei aprende oinsá atu jere lixu husi prosesamentu hodi asegura prosesu ida ne’ebé amigavel ba ambiente lahó lixu ne’ebé maka barak liu.
PROSPETU SERBISU
Perspetiva serbisu ba graduadu sira husi kursu ida-ne’e luan tebes. Oportunidade serbisu boot tebes tanba nasaun Timor-Leste riku ho produtu agríkola.
Ita-boot nia servisu fatin sei la sempre iha natar ka to’os. Kareira balu ne’ebé ita-boot bele hala’o hafoin remata eskola iha Ensinu Sekundáriu Tékniku Vokasionál Mauhunu Bukar Manatuto inklui traballadór estensaun agríkola, jestór kampu, peskizadór agríkola, jestór marketing, distributór ka ajente produtu agríkola, no seluk tan.
Ita-boot bele sai emprezáriu ka hahú ita-boot nia negósiu rasik. Matéria eskola Produsaun Agríkola sei hadi’a ita-boot nia abilidade emprezariál sira durante eskola, hodi permite ita-boot atu sai emprezáriu susesu ida iha futuru. Hamutuk ho background sosio-ekonómiku ne’ebé ita-boot hetan durante eskola, ita-boot nia posibilidade atu sai emprezáriu susesu ida mós boot tebes.